因為睡不著，爬起床開動了我的蘋果打blog來（！！）。
３天假期像做了很多很多事也見了好一些人；流了淚水也流了汗水。
＋＋＋＋
星期六半夜無記播 <旺角黑夜>故事說是大陸仔的吳彥祖為錢落香港做殺手；在香港遇上同鄉當性工作者的張柏芝。幾個晚上，各人自有各自的命運同時又互相影響著。
這，是一個因果的故事。我，相信因果。
＋＋＋＋
等待別人時無聊聊到萬0買東東。（75折嘛！） （又，幾時我甘c9計埋d婆仔數架？ 妖，其實我時時都係囉)，拿了東西自然往收銀處付款，排我前面的是一位太太，放下了她要付款的東西，她7－8歲的仔仔走過來跟她說了以下的一些話。
仔：要等幾耐呀？
人地阿媽：我要買野呀, 75折丫嘛
仔： 一世人得一次75折咩?
我立即喵喵邊個死仔把口甘串。又又，心諗係噃！又唔係一世人得一次75折，我都可以留待下次才買啦！
人地阿媽：你等我一陣啦
仔： (勁悔氣) 唉， 我唔等你嘞．．．白痴（細聲）
我： !!!（十尺長感嘆號出現）
阿仔講完之後，自己走左出萬0，而我反而想沖出去星佢兩巴。
嗯．．．且慢！
以上對話不是說小朋友多麼不禮貌哦。真正問題反而是子不教母之過。怎能一面倒說小朋友何等厲害年紀輕輕已如此懂得” 尊重” 媽媽？如果當人媽媽（父母）的有好好教育自己的孩子或是明白到身教的重要性，我想我不會看見這個人見人星的死仔。你估小朋友無啦啦會曉鬧人白痴？你鬧過佢白痴，佢咪鬧返你白痴囉！Simple！
Well，又唔係你個仔，甘多事做咩啫？對，與我無關，所以我至無星佢囉。講完。
＋＋＋＋
好明顯因為星期六近四點才爬上床去睡，星期日晚咪失眠囉，灰過炭！真係因果．．．
