今早開email 就睇到一篇令我會心微笑的文。嗯．我都打一篇來回一下你啦。
分手後重新上路 /忘記他
How？
即刻搵返以前追過你同你曖昧過既人，填補下先？朋友話，你唔係無後備嘛？oh， no！ 我真的沒有貨仔在手， 是小女子沒學懂。
well，計我話，無貨沒問題。不要再中個頭去前人度，任由人家傷害自己或是自己傷害自己，我當然講緊情感上的傷害啦。我相信至諸死地而後生，面對事實，認清前路。
1/有甘快得甘快將你同佢曾經有過的事/物，純純收好；按一下delete 又不是太有難度，免得觸景傷情是真的。不過又，香港有幾大？點解要避你倆曾經到過的地方呢？呢度又唔去得，果度又唔去得，真係好慘囉。不如當憑弔，人都去左，要安息了。
思想上，不要再想他的好/不好/不要再問點解/不要不甘心甚麼/不用去恨他，當然也不用愛啦。It doesn’t mean anything, its just over.
2/承認你們真的完了的事實。總有些不相干的人會問起你倆，不要不好意思說出你倆已沒成過去，反正是真的完了，不如落落大方，至少立場鮮明。喂，我available 架！
3/找事做。絕對有用！我曾經有上過language course 學中菜學瑜伽，全是失戀後走去做。時間太多找點事分散下注意力，你總會知道甚麼時候你放下心情去過另一種生活，自行安排。
友提到不要”借酒澆愁” “化悲奮為食量” 。好在，我冇呢兩個想法！我頂唔住宿醉的頭爆也不想失態；唔食？ so far 我都仲120磅（！），冇點瘦過，呢樣就真唔抵（！！），仲諗住可以瘦到多少啦今次。
呢篇野真係好唔似一個分手冇耐既人寫，但我又唔覺出奇，皆因一向我也是自己推翻自己的人。那些堅持，相當無謂。
未了，於這段情，我想說，我真的希望可以在我生命裹他從來也沒有出現過，也希望這是最後一篇會提到他的文，不要問我為甚麼，只想告一段落。就是這樣。
